Situata kaotike dhe e tensionuar vazhdon ende në Afganistan, ku talebanët kanë marrë kontrollin dhe arrijnë të ushtrojnë kontroll pothuaajse me këdo.
Prej ditësh tashmë ndihen ndryshimet dhe vështirësitë që kanë hasur populli afgan ku një prej tyre është dhe mbyllja e bankave gjë e cila e vështirëson akoma edhe më shumë jetesën e afganëve për të jetuar nën kontrollin taleban.
Nuk ka para brenda bankomateve, nuk ka banka të hapura dhe nuk ka zyra të Western Union, aty ku njerëzit nga jashtë mund të transferojnë para.
Institucionet bankare qëndrojnë të mbyllura në Afganistan për të shtatën ditë, teksa vendi është nën kontrollin e talebanëve.
Si rrjedhojë, është thuajse e pamundur të dërgosh para në Afganistan. Njerëzit thonë se po u mbarojnë kursimet. Qytetarët në Kabul dhe qytetet e tjera janë në akth për të ardhmen,ku çdo ditë e më shumë po tremben sepse janë nën petkun e rrezikut që u kanoset nga terrori dhe kontrolli I talebanëvë që ata po përjetojnë. E ndërsa mijëra prej tyre janë dyndur drejt aeroportit, për t’u larguar me avionët e evakuuimit.
Një ish-marinar, i cili tani drejton një qendër shpëtimi të kafshëve në Kabul, tha për BBC se nuk mund të paguajë stafin e tij dhe njerëzve po u mbaron ushqimi.
https://twitter.com/HearAfghanWomen/status/1428651988720529413?ref_src=twsrc%5Etfw%7Ctwcamp%5Etweetembed%7Ctwterm%5E1428651988720529413%7Ctwgr%5E%7Ctwcon%5Es1_&ref_url=https%3A%2F%2Fwww.balkanweb.com%2Fnjerezve-po-u-mbaron-ushqimi-cpo-ndodh-ne-afganistan-bankat-jashte-funksionit-bankomatet-jane-bosh%2F
