Kreu i Partisë së Lirisë, Ilir Meta nga qyteti i Fierit ka dhënë informacione të reja në lidhje me inceneratorët. Ai ka akuzuar drejpërdrejt kryeministrin Edi Rama se “falsifikon gjithçka dhe i jep fonde me urdhër të tij të AZHBR për kompani të lidhura me inceneratorët”.
“Ju e shihni në çfarë gjendje janë fermerët e bizneset, një mashtrues që falimentoi prodhimin e grurit sivjet për shkak të mos mbështetjes e për grurin e ti thotë që do japë subvencione në shtator, për shkak se ka një axhendë, atë të shpopullimit”.
Ndër të tjera, kreu i Partisë së Lirisë tha se Rama “nuk ka lënë njeri në Shqipëri pa gjobitur vetem për të mbajtur njerëzit nën presion e kërkon të bëjë viktimën, autori i vrasjeve është ai, u jep garanci politike atyre që sillen në atë mënyrë, si në rastin e të ndjerit Rasha se këta bëjnë si të fortë me popullin se kanë atë. Në Elbasan e patë si rrinin para të fortëve dhe bandave. Ky është shteti që ka krijuar ky që kërkon të bëjë viktimën sot”.
Meta tha se Rama është i shqetësuar se tashmë nuk e korrupton dot më lidershipin e opozitës.
“Ka shumë të drejtë që është shqetësuar pse opozita tashmë e ka hapur gojën për arsye se ai mbretëroi, për arye të korruptimit të lidershpiit opozitar dhe dorëzimit të gjithë mandateve dhe pushteteve në atë mënyrë të turpshme”.
