Avokatja Adriana Kalaja ka dorëzuar mesditën e sotme një kallëzim në SPAK për Olsi Ramën, Amant Josifin dhe Endri Meksin, duke i cilësuar si grup të strukturuar kriminal. Në daljen nga Prokuroria e Posaçme Kalaja ka deklaruar se disponon prova konfidenciale që ua ka dorëzuar prokurorëve të SPAK, se këta 3 persona kanë mashtruar mijëra qytetarë europianë me vlerë 2.4 miliardë euro dhe se vijojnë akoma të ushtrojnë këtë veprimtari kriminale. Kalaja ka ngritur akuza edhe për pastrim të parave të pista, të realizuar përmes shoqërive tregtare që kanë në pronësi dhe evazion fiskal. Avokatja kërkoi nga SPAK që të hetojë këto 3 persona,që sipas saj me mbështetjen e kryeministrit Rama kanë kryer veprat penale të përmendura më sipër.
Kujtojmë se Amant Josifin është ortak i Olsi Ramës dhe ish-këshilltar i Olta Xhaçkës, kur drejtonte ministrinë e Mbrojtjes në atë kohë dhe u shpall në kërkim ndërkombëtar nga autoritet spanjolle për mashtrim me vlerë rreth 2.4 miliardë euro të mijëra qytetarëve europianë. Josifi u ndalua në Dubai, por pas një dite u la sërish i lirë. Ndërsa vlen të theksohet se ndaj Josifit nuk pati një urdhër arresti nga autoritet shqiptare.
Ndërkohë, Endri Meksi rezulton të jetë drejtuesin e një mediaje në Shqipëri.
