Protesta tek Astiri vazhdon ende dhe madje ka pasur përplasje me Forcat e Ndërhyrjes së Shpejtë dhe disa arrestime.
Banorët janë përpjekur të bllokojnë rrugën për të ndaluar kalimin e kryeministrit Rama dhe për të folur me të, mirëpo situata është acaruar.
Banorët kanë filluar të gjuajnë me vezë e gurë në drejtim të policisë dhe arsyeja pse kanë filluar të reagojnë ka qenë sepse kryeministri Rama ka qenë pranë një biznesi, konkretisht Fabrikës së Miellit.
Nuk dihet ende numri i saktë i protestuesve të arrestuar, ndërsa mes tyre mesohet të jetë edhe ish-deputeti, Klevis Balliu.
“Poshtë kriminelët”, “Do të përfundoni në burg të gjithë”, janë disa nga thirrjet e banorëve.
“Unë jo vetëm unë, pa marrë mundin dhe djersën ta harrojë se do të marrë atë që më takon, ti marrin oligarkët djersën time. I kemi bërë thirrje Ramës për dialog. “, u shpreh një tjetër banor.
