Gjykata e Durrësit ka dhënë vendimet për 7 adoleshentët në Kavajë që abuzuan seksualisht me një 13-vjeçare.
Togat e zeza vendosën të dënojnë me 6 vite e 8 muaj burg L.M.
Për E.M., gjykata vendosi 5 vite burg, E.H., K.K., E.A., dhe K.M., u dënuan me 3 vite, ndërsa F.M., me 3 vite e 4 muaj.
Dënimi për ta do të llogaritet që nga data 2 shkurt 2019.
Në bazë të përllogaritjeve, ata do të dalin shumë shpejt nga qelitë, pasi një ditë në burg llogaritet për dy.
Ngjarja e rëndë u regjistrua vitin e shkuar në Kavajë dhe u mbajt e fshehtë nga policia.
Vajza ishte nën presionin e shantazhit të një djali me të cilin kishte lidhje intime.
Ky i fundit i bënte presion, se do t’i publikonte një video intime, ndërsa e shfrytëzonte seksualisht, duke u marrë para shokëve të tij, në këmbim të marrëdhënieve seksuale me të miturën.
Ai i kishte premtuar vajzës, se kjo situatë do të merrte fund, kur të mblidheshin lekët për një play station.
