Gjykata e Fierit la në burg 36-vjeçarin Zamir Meta, i akuzuar për abuzim seksual ndaj vajzës së tij të mitur.
Ai mbërriti në ambientet e gjykatës rreth orës 10:00, me kokën ulur, ndërsa ka dhënë dëshminë e tij para trupit gjykues të përbërë nga Prokuror Genci Mane, gjyqtar Nertil Dushku dhe avokat kryesisht .
Meta pranoi se kishte kryer abuzimin, duke thënë se ndodhi vetëm një herë. Por ekspertiza mjeko-ligjore zbuloi se abuzimet kanë qenë të përsëritura.
Ngjarja u bë publike pas denoncimit të vajzës 12-vjeçare, e cila në prani të psikologes rrëfeu se ishte abuzuar seksualisht nga babai që në moshën 5 vjeçare.
Sipas deshmise se nenes, vajza ishte larguar nga shtepia në orën 04:00 të mëngjesit dhe ishte gjetur me pas tek një fqinje, rreth 45 minuta larg.
Nëna e vajzës u shpreh e shokuar nga zbulimi, duke thënë se nuk kishte qenë në dijeni te ngjarjeve dhe se sjelljet e vajzes, shpesh te acaruar dhe agresive, nuk ishin kuptuar si pasojë e traumës.
Ajo shtoi se bashkëshorti i kishte fshehur gjithçka dhe kishte vepruar pas krahëve të saj.
Vajza ndodhet aktualisht në Tiranë, në Qendrën Rehabilituese për viktimat e dhunës seksuale “Lilium”, ku po merr ndihmën e nevojshme psikologjike dhe sociale.
Nëna e saj ka mbetur e vetme me 6 fëmijët e tjerë dhe nuk ka asnjë të ardhur financiare. Ajo apelon për mbështetje nga shteti dhe institucionet përgjegjëse, si dhe për një dënim maksimal ndaj autorit.
