Detaje të reja janë zbuluar nga hostoria e pedofilisë e bërë publike ditën e djeshme në Sarandë.
Vajza sot është 17 vjeçe, por abuzimi ka ndodhur kur ajo ka qenë vetëm 13 vjeçe, ndërsa i moshuari 72 vjeç.
Gazeta “Si”, shkruan, se adoleshenten e kishte bindur i dashuri i saj.
“Më bindi i dashuri im, më tha se kjo gjë nuk është normale dhe se ai është një abuzues fëmijësh,” tha 17 vjeçarja.
Menjëherë pas dëshmisë, polica ndaloi 72-vjeçarin, i cili e pranoi abuzimin me të miturën.
Në moshën 13 vjeçare, vajza me prindërit jetonin me qira në shtëpinë e të moshuarit, i cili ka 20 vite i ve, ndërsa fëmijët e tij jetojnë në Greqi.
Adoleshentja tregon se prindërit e dërgonin që t’i bënte ndonjë punë, pasi u vinte keq.
“Kur ne ndërtuam shtëpinë tonë u larguam dhe jetojmë në të njëjtën lagje, prindërve u vinte keq dhe më dërgonin shpesh t’i bëja ndonjë punë e t’i laja ndonjë pjatë, por ai abuzoi me mua dhe unë nuk i tregoja dot askujt se më vinte turp,” ka kallëzuar e mitura.
I moshuari në deklaratën e tij përpara policisë, ka pranuar abuzimin dhe ka thënë se vajza e kishte provokuar duke u zhveshur përpara tij, madje nuk ka qenë e virgjër.
Mësohet se në momentin që kanë qenë vetëm, i moshuari i është lutur adoleshentes që ta tërheqë kallëzimin, pasi ishte i bindur se pas kësaj ngjarjë qëndronte i dashuri i saj.
Gazeta “Si”, shkruan, se prej ditësh mes familjes së adoleshentes dhe të dashurit të saj kishte nisur një konflikt.
Familja e të dashurit të saj nuk e pranonte lidhjen e dy të rinjve, për shkak të kushteve ekonomike, të familjes së vajzës.
Kur kanë shkuar në komisariat, vajza ka lënë të gjithë të habitur, kur ka treguar historinë nga e kaluara.
Adoleshentja ka thënë se ka pasur frikë të tregonte, ndërsa insiston se abuzimi ka ndodhur në moshën 9 vjeçe.
Prokuroria po vijon punën për zbardhjen e kësaj ngjarje, ndërsa vajza do të sillet në kryeqytet në një qendër rehabilituese.
