Gjykata e Apelit Tiranë ka miratuar vendimin e Shkallës së Parë duke vendosur “arrest me burg” për 4 zyrtarët e UTB-së. Ata akuzohen për vjedhje dhe shpërdorim për detyrën.
Të paktën deri në përfundim të hetimeve zyrtarët e Universitetit Bujqësor të Tiranës janë në hetim për abuzime me tenderat.Kështu arrest me burg u caktua për Ali Rasha, me detyrë drejtori i formës didaktike eksperimentale në UBT.
Tahir Ballgjini ishte me detyrë përgjegjës i sektorit të Bujqësisë, Rushit Suna, specialist i sektorit të bujqësisë si dhe për Ahmet Mejdani, magazinier në magazinën qendrore në Universitetin Bujqësor në Tiranë.
Pas hetimeve u arrit në konkluzion se në bashkëpunim me njëri-tjetrin dhe në role të ndryshme, ata paracaktonin fituesin e tenderave, kryenin hyrje dhe dalje fiktive të mallrave në magazina, duke shpërdoruar detyrën. Arrestimi i tyre erdhi pas një hetimi disamujor dhe po vijon puna për identifikimin e personave të tjerë të impikuar në këtë aktivitet kriminal.
Kujtojmë se këta shtetas në bashkëpunim me njëri-tjetrin, në role të ndryshme, paracaktonin fituesin e tenderave, kryenin hyrje dhe dalje fiktive të mallrave në magazina, duke shpërdoruar detyrën.
Sipas prokurorisë, i kanë sjellë dëm interesave të shtetit, duke përvetësuar plehrat kimike në vlera të konsiderueshme dhe duke falsifikuar dokumentacionin për hyrjen dhe daljen fiktive të këtyre imputeve bujqësore dhe plehrave kimike në magazinat e Fermës Didaktike të Universitetit Bujqësor Kamëz.
