Tensioni i fushatës zgjedhore ka arritur kulmin ditët e fundit me Partinë Demokratike që ka ngirtur strukturat e saj për mbrojtjen e votës. Ngjarja më e rëndë ndodhi në Elbasan, ku si pasojë e ndërhyrjes së kësaj strukture të PD mbeti i vrarë një person.
Por më herët një tjetër ngjarje e pakuptimtë ndodhi në Vaqarr, ku ish- ish-drejtori i policisë Bashkiake Florenc Hoxha, ndaloi një makinë për të cilën tha se po shpërndante ushqime në këmbim të votave.
Por siç rezultoi më vonë nga hetimet e Policisë, ushqimet po shpërndaheshin për iftar.
“Specialistët për Hetimin e Krimit në Komisariatin e Policisë Nr. 6 proceduan penalisht shtetasin Florenc Hoxha, 46 vjeç, përfaqësues i një subjekti politik, për veprën penale “Plagosja e lehtë me dashje”, sepse ditën e djeshme, shtetasi Bledar Goga ka kërkuar ndihmën e Policisë, pasi disa persona i kishin bllokuar rrugën në lagjen Ibra, fshati Vaqarr, duke e kërcënuar të zbriste nga makina, me pretendimin se në këtë mjet kishte produkte ushqimore që përdoreshin në këmbim të votës.
Nga veprimet e kryera ka rezultuar se ushqimet ishin përgatitur për t’ua shpërndare për iftar, besimtarëve mysliman që agjërojnë”, njoftoi policia.
Sa më shumë afrohet fundi, histeria e politikës ka arritur kulmin duke ndaluar çdolloj makine që iu duket e dyshimtë në rrugë. Partia Demokratike ka marrë kompetenca ligjore që nuk i takojnë dhe pasojat kanë qenë të rënda. Madje deklaratat e PD në vazhdim nuk kanë qenë aspak për ta qetësuar situatën. Kandidati democrat për Dibrën, Xhelal Mziu tha dje se “personat e dyshimtë do ta pësojnë si ai i Elbasanit”, një kërcënim i hapur dhe intimidim për votuesit.
