Teksa zgjedhjet lokale po afrojnë tashmë po flitet për aleancë mes partive, ku opozita synon të forcojë pozitat e saj.
Kreu i Grupit Parlamentar të PS-së, Taulant Balla pyetjes nëse i trembet bashkimit të fuqive të Partisë Demokratike dhe të Partisë së Lirisë i është përgjigjur me doza ironie. Ai ka deklaruar se Berisha dhe Meta gjithnjë bashkë kanë qenë politikisht, por nuk ia kanë dalur të mbizotërojnë me vota ndaj Partisë Socialiste, si në rastin e zgjedhjeve të vitit 2021.
“Në 2021 a nuk ishin bashkë? Të gjithë bashkë ishin. Saliu me Ilir bashkë kanë qenë. Edhe kur ka qene Ilir Me ne ishte me Berishën. Nuk i është ndarë shpirti kurrë. PS ka aleancë me qytetarët. Ne vazhdojmë të ruajmë aleancën.” tha Balla.
Kreu i grupit Parlamentar të PS-së është shprehur me siguri se partia e tij do të fitojë bindshëm në Shkodër. “Mjafton të shikoni zgjedhje e 6 marsit. Por në Shkodër e kanë kuptuar se nuk ka qenë zgjedhja më e mirë. PS në maj do të synojë fitoren edhe në bashkinë e Shkodrës.” shtoi ai.
Por a do të bëjë aleancë për Shkodrën me PSD e Tom Doshit? Balla theksoi se PS ka një aleancë me qytetarët dhe do të bashkëqeverisë vetëm me njerëzit e thjeshtë.
