Avokatët i ish-presidentit Hashim Thaçi deklarojnë se do të kërkojnë lirimin e tij nga paraburgimi.
Avokati Dastid Pallaska në lidhje me akuzën ndaj Thaçit u shpreh për mediat e Kosovës se “Ende është herët të flasim se për çka akuzohet. Është një përmbledhje e ngjarjeve të ndryshme të cilat nuk duket në shikim të parë që kanë ndonjë ndërlidhje në përgjithësi me një strukturë të caktuar e aq më pak me persona që janë paraqitur aty”, thotë Pallaska.
Ai tregoi se mbrojtja do të kërkojë mbrojtjen në liri të Thaçit pa disa javësh. Një gjë të tillë e ka përmendur gjatë seancës edhe avokati David Hooper tha se nuk ka arsye që ish presidenti të mbahet në paraburgim.
“U çuditëm që ju urdhëruat arrestimin dhe kjo mund të bëhej me një fletë thirrje, ne nuk kemi këto parashtrime dhe sot pasdite do të kërkoj lirimin e tij të përkohhshëm, por mbasi kam menduar më gjatë ne mendojmë që nuk është e përshtatshme pa e ditur se cfarë pretendon Prokuroria se është rreziku i arratisjes, ai është këtu, ju pretenduat se ai është në rrezik arratisje. Nuk e di cilat janë pretendimet që mbështesin konkluzionin se ka pasur ndërhyrje, duam të dimë cilat janë teknikalitet e kësaj kërkese. në duam të marrim element specifik të informacionit, përveç materialit që ka paraqitur prokuroria pas 26 gushtit. Po kështu do të kërkoj që kërkesa për lirim të përkohshshëm të bëhet në javët e ardhshme, pasi të kemi këto informacione. Thaci një person që i ka shëbyer vendit të tij në luftë dhe paqe dhe nuk i meriton këto pretendime. Zotëri gjykatës është detyra jote, e gjykatësve të gjej një bilanc dhe të vërtetën. Këta janë hapa të vegjël fillestar por shpresoj që me kalimin e kohës reputacioni i këtij personi të bie në vend. Më duhet të them që isha i çuditur kur u futa në këtë dhomë dhe e shoh të lidhur me pranga, është për të ardhur trup. Ju nuk jeni organ ndëshkimi, besoj që është kështu, besoj që do të bëni diçka për ta trajtuar këtë dhe mos e ulni dinjitetin e një personi deri në një pikë të tillë. Sipas një citimi thuhet Hashim Thaçi është Xhorxh Uashintoni i Kosovës këtë e ka thënë Joe Biden, zv president amerikan 2017″, tha avokati.
/GazetaReforma.com/
