Komiteti Teknik i Ekspertëve u mblodh ditën e sotme për të lënë në fuqi masat kufizuese edhe për dy javë të tjera. Në vazhdim do të jetë në fuqi ora policore nga ora 20:00 deri në orën 06:00, po ashtu do të qëndrojnë të mbyllura auditoret e do të vazhdojë mësimi i kombinuar në ciklet e tjera të arsimit. Megjithatë vendimi për auditoret do të varet nga numrat e infektimeve. Kështu ka deklaruar zv/ministrja e Shëndetësisë, Mira Rakacolli e pyetur nëse do të shqyrtohet kërkesa e studentëve për rikthim në auditore.
“Studentët kanë kërkuar kthim në auditore, kjo varet në përputhje me nivelin e indikatorëve, të cilat nuk janë ende në atë stad për të hapur auditoret. Të shohim këto dy javë, sidomos shtimi i vaksinimit mund të sjellë ulje të numrave dhe mund të hapen auditoret”, ka thënë Rakacolli.
Gjithsesi shqetësues mbetet infektimi i të të rinjve, edhe pse shifrat nuk janë si më parë. Këtë e kanë konfirmuar si drejtoresha e ISHP, Albana Fico e po ashtu e Rakacolli.
“Ne kemi edhe prekjë të grumposhave, çka është e ndryshme nga javët e tjera. 15-24 vjeç, janë moshat përgjatë kësaj periudhe që kemi pasur atë rritjen, ndaj jemi të kujdesshëm duke konsideruar atë faktor.”, tha Fico.
“Ka edhe mosha të reja në gjendje të rëndë, por jo si më parë”,deklaroi Rakacolli.
