Kreu i SPAK, Altin Dumani, ka zhvilluar një takim me studentë të universiteti ‘Luigj Gurakuqi’ organizuar nga Komiteti i Helsinkit.
Ai është shprehur se nuk ka rëndësi pushteti dhe se kushdo do të duhet të japë llogari në SPAK kur t’i vijë koha. Lidhur me këtë deklaratë të tij, ai u pyet lidhur me çështjen “McGonigal”, nëse në pyetje do të merret edhe kryeministri Rama, i përmendur në dosje.
Dumani u përgjigj para gazetarëve se nuk kanë rëndësi emrat, por provat.
Rama a do thirret për t’u pyetur për çështjen “McGonigal”?
Dumani: Nuk mund te përgjigjem për pyetje te caktuara. Nuk ka rendësi emri, por provat dhe nuk ka rendësi pushteti që ka dhe në një moment do t’i duhet kujtdo që të vijë dhe të japë llogari në SPAK apo gjykatë. Ne jemi të ndjeshëm ndaj asaj qe ndodh edhe në media apo kudo tjetër. Shumë media në muajin shkurt të vitit të kaluar dhe deri para 2-3 muajsh kemi marrë kritika pse nuk kemi regjistruar çështjen e McGonigal dhe gjithë kriteret duhet të ndjehen të zhgënjyer se e kemi regjistruar që në janar të vitit 2022. Duhet të presim momentin kur të kemi diçka konkrete për ta publikuar. Çështje nën hetim dhe nuk mund të jap të dhëna.
