Shqipëria padyshim është në një krizë të thellë jo vetëm politike dhe kjo për shkak se opozita ka vendosur që të djeg mandatet e saj.
Megjithatë nga studio e Opinion, janë pyetur Gazmend Bardhi dhe Luan Rama rreth asaj çfarë do të bëhet, do të hyjnë në zgjedhjet lokale apo jo. Përgjigjja e të dyve ka qenë thuajse unanime “që nga data 16 shkurt i nënshtrohemi vetëm presionit qytetar”.
Mesa duket opozita e ka vendosur, pavarësisht gjithë presionit ndërkombëtar që është duke iu bërë për të hequr dojë nga ideja e djegies së mandateve.
“Për sa kohë që jemi në këtë situatë gjithë hapat e opozitës do jenë në bazë të reagimit qytetar”, ka thënë Rama, gjë që do të thotë se do të jenë shqiptarët që sipas tyre do të vendosin se cilat do të jenë veprimet e radhës së opozitës së bashkuar.
Përgjigjet e Gazmend Bardhit dhe Luan Ramës
Gazmend Bardhi: Do kemi diskutime për çdo çështje që lidhet me zgjedhjet. Në Shqipëri nuk ka zgjedhje të lira dhe të ndershme. Ka zgjedhje që diktohen nga krimi i organizuar. Jemi përpara dy zgjedhjeve: të pranojmë ose të mbrojmë demokracinë, ose të gjejmë dhe në grupe rivale dhe t’i kthejmë zgjedhjet në luftë. Ne kemi vënë përpara interesit tonë politikë interesin e qytetarëve. Ne jemi në politikë për të luftuar krimin e organizuar.
Luan Rama: Është veprim radikal, por është i imponuar për shkak të keqqeverisjes dhe kriminalizmit të qeverisjes. Nuk ka ndodhur që prej 97 që janë dhe në dosjet e prokurorisë, që grupet kriminale kanë vjedhur votën. Në një vend normal demokratik cilado qeveri do kishte dhënë dorëheqjen. Çfarë zgjedhjesh lokale mund të bëjmë. Këtu është shkelur parimi bazë për zgjedhje të lira. Natyrisht do ketë hapa të tjerë politikë që do bëjnë uljen e Edi Ramës. Në politikë nuk diskutohet me nëse… Ne jemi përballë këtij fakti, nuk ka reagim nuk ka reflektim. Për sa kohë që jemi në këtë situatë gjithë hapat e opozitës do jenë në bazë të reagimit qytetar.
