Ministri gjerman i Mbrojtjes, Boris Pistorius ditën e sotme bëri thirrje për t’i dhënë fund debatit rreth vendosjes së mundshme të trupave tokësore nga vendet perëndimore në Ukrainë.
“Askush nuk dëshiron të ketë çizme në terren në Ukrainë, dhe tani ka diskutime për këtë me të vërtetë në vazhdim,” u tha Pistorius gazetarëve në një konferencë shtypi gjatë një vizite në Helsinki me homologun finlandez Antti Hakkanen.
Ai ishte i prerë kur foli për Gjermaninë, duke theksuar se vendi i tij nuk do të dërgojë raketa me rreze të gjatë “Taurus” në Ukrainë.
Kujtojmë se Gjermania është donatori i dytë më i madh i ndihmës ushtarake për Ukrainën në luftën e saj me Rusinë.
