Kryetari i Partisë së Lirisë Ilir Meta ka uruar të gjithë mësuesit në këtë 7 mars, duke theksuar se arsimi duhet të jetë prioritet kombëtar. Në një dalje për mediat Meta nuk ka lënë pa hedhur akuza dhe ndaj qeverisë, pasi sipas tij ky sektor ka i rëndësishëm është lënë në mëshirë të fatit. Duke ironizuar “Aktivistin” Meta shtoi se mësuesit në vendin tonë detyrohen të bëjnë like dhe share, duke u vënë në shërbim të politikave ditore dhe duke mos u parë aspak si një aset për vendin.
“Më lejoni të uroj mësuesit e Shqipërisë, Gëzuar 7 marsin. Mësuesit sot janë në pikë ta hallit, ne do ia kthejmë shkëlqimin arsimit. Mësuesit detyrohen të bëjnë like dhe share në rrjetet sociale dhe ky është një turp i madh. Arsimi duhet të shihet si prioritet kombëtar dhe jo t’i nënshtrohen politikave të ditës.
Nuk duhet asesi që arsimi të vihet nën zgjedhën e politikës. Qeveria, siç nuk ka mbajtur as premtimet e tjera, nuk e mbajti as për arsimin”, deklaroi Meta.
