Banorët e Astirit vazhdojnë protestën e tyre kundër prishjes së shtëpive apo bizneseve të tyre në kuadër të projektit të Unazës së Madhe.
Në ditën e 60-të të protestës disa nga banorët e Unazës së Re kanë bllokuar rrugën duke djegur goma.
Rruga është bllokuar prej orës 17:00.
Në mbështetje të banorëve të Unazës së Re janë edhe përfaqësues të PD dhe deputetë, mes tyre Klevis Balliu.
“Kryeministri të kërkojë ndjesë qytetarë. Të shikojë për një projekt që nuk prishen shtëpitë e qytetarëve. Nëse Kryeministri do vijojë me kokëfortësi, kjo do të jetë përgjigja që do marrë. Largimi i Edi Ramës është kthyer në interes kombëtar, ndaj unë sot do u kërkoja të gjithëve që të shikojnë se ky është një projekt korruptiv, dhe se deputet të maxhorancës janë kërcënuar nga bandat në pushtet, prandaj duhet që të të largojmë Edi Ramën dhe të shkojë aty ku e ka vendin në burg”, ishte kjo një pjesë nga deklarata e deputeti Balliu.
