Gjashtë subjekte në Vlorë janë identifikuar deri tani që kanë pasur dhe tregtuar pulë me Salmonella në ambientet e tyre.
Këto subjekte janë evidentuar pas kontrolleve të kryera nga Autoriteti Kombëtar i Ushqimit në qytet. Mes tyre janë disa markete, restorante, dhe fast food, të cilat mund të jenë shpërndarës të fundit të këtij produkti për konsumatorët.
Në Vlorë është tërhequr një sasi e konsiderueshme pulash me Salmonella deri më tani, ndërsa dyshohet se numri i subjekteve të tjera që mund të kenë tregtuar këtë produkt është më i madh.
Pas publikimit të lajmit, ka pasur dyshime që shumë subjekte private në qytet kanë hequr sasinë e pulës, duke shkaktuar një ulje të dukshme të subjekteve të identifikuara.
Kontrollet vazhdojnë dhe çdo ditë po identifikohen më shumë subjekte që tregtojnë pulë me Salmonella.
Për gjashtë subjektet e para, janë marrë masa administrative që përfshijnë gjoba, që variojnë nga të ulëta deri në vlera të konsiderueshme.
