Ditën e sotme deputeti socialist, Erion Braçe ka reaguar për anijën me 6 ton grur të mbërritur një ditë më parë në Portin e Durrësit.
Braçe ka kërkuar transparencë nga ministria e Bujqësisë dhe kompania që e ka porositur që sipas tij duhet të bëjë publike koston me të cilën ka ardhur gruri dhe çmimin me të cilën është marrë gruri.
Braçe shprehet se nuk ka përse përbën lajm ardhja e një anije me grurë nga Ukraina ndërkohë që mijëra ton grurë po i mbeten pa shitur bujqve vendas.
Deputeti socialist ka paralajmëruar ministrinë e Bujqësisë se nëse nuk bën publike kostot ai thotë se do t’i nxjerrë vetë të gjitha kostot reale me të cilat është marrë gruri.
“Dy ditë me radhë, lajm i rëndësishëm në fushën e tregtisë dhe bujqësisë ka qenë anija me grurë që mbërriti nga Ukraina. Nuk e kuptoj pse është i rëndësishëm lajmi që një anije me 6 mijë ton grurë mbërriti në Portin e Durrësit. Askujt nuk i shkon në mendje të pyes, me çfarë kostoje erdhi ky grurë, sa del 1 kg grurë i ardhur nga Ukrainë në Doganën Shqiptare. Do doja që Ministra e Bujqësisë dhe mbi të gjitha vetë kompania që ka sjell grurin të bënte publike shifrat, çmimin, koston me të cilën ka ardhur gruri. E di pse, se ka ende grurë të prodhuar në vend, grurë shumë i mirë, me proteinë 15%, me lagështirë 13-14%, me reze 75%. Për sa kohë që një bujk ka 20-25 tonë grurë të tillë këtu në Myzeqe, përsa kohë një bujk tjetër ka pak më tutje ka 20-22 tonë grurë gjendje, pse duhet të përbëjë lajm gruri i ardhur nga Ukraina me kosto më të shtrenjtë. Kam një lutje edhe për ministrinë e Bujqësisë dhe kompanisë, nuk kam asgjë tregtia është e lirë e të tjera me radhë, po t’iu thonë publikisht njerëzve me çfarë çmimi dhe kostoje. Nëse nuk e bën do ua tregoj unë koston reale me të cilat gruri i ardhur nga Ukraina ka dalë nga Dogana Shqiptare”, tha Braçe.
