Lufta në Ukrainë është në ditën e saj të gjashtë dhe situate duket e përkeqësuar, dhe humbjet e jetëve janë në shifra të larta nga të dy palët.
Ndërkohë kryeministri i Mbretërisë së Bashkuar Boris Johnson është shprehur se presidenti i Rusisë, Vladimir Putin po përdor taktika barbare në luftë në Ukrainë.
Johnson u shpreh gjatë një konference shtypi në Varshavë me kryeministrin polak Mateusz Moraëiecki, se “tragjedia” që Britania e Madhe dhe të tjerët parashikuan tani ka ndodhur me pushtimin e Ukrainës nga Putin.
Ai gjithashtu e quan atë një fatkeqësi të shpalosur në kontinentin evropian.
“Është e qartë se Putini është i përgatitur të përdorë taktika barbare dhe pa dallim kundër civilëve të pafajshëm për të bombarduar blloqe kullash, për të dërguar raketa në blloqe kullash për të vrarë fëmijë,”- ka thënë Johnson për luftën Ukrainë-Rusi.
Kujtojmë që imazhet satelitore përcjellin, me qartësi të madhe, ritmin e përparimit të Rusisë drejt Kievit. Një kolonë e blinduar, rreth 40 milje (64 km) e gjatë, e mbushur me tanke dhe trupa, duke ecur ngadalë përpara dhe që është vetëm 17 milje larg.
Kjo është një këmbanë alarmi për ukrainasit, ku një pjesë e tyre kanë mundur të largohen nga vendi dhe të tjerë kanë lënë banesat ëpr tu strehuar në metrotë e qytetit, si një ndër vendet më të sigurta për shkak të sulmeve shpërthythyese nga rusët.
