Presidenti i Republikës Ilir Meta ka zhvilluar homazhe në qytetin e Lezhës, në memorialin e Heroit Kombëtar, Gjergj Kastrioti Skënderbeu në Lezhë.
Nga vendi ku prehen eshtrat e Skënderbeut, Meta nga Lezha lartësoi figurën e Gjergj Kastriotit, si simbol i identitetit tonë kombëtar.
Ilir Meta:
Me shumë të drejtë fenoli do ta konsideronte si shqiptari më i gjallë sepse është jo vetëm ky heroi ynë kombëtar që i dha identitetin më të fortë kombit tonë në mbrojtje të lirisë është të dinjitetit kombëtar dhe njerëzor por njëkohësisht është edhe personalitet i jashtëzakonshëm i qytetërimit evropian, ai përcaktoi rrugën dhe të ardhmen evropiane të Shqipërisë. Kjo figurë kaq e madhe që edhe shekuj më pas hsërbeu si një frymëzim kryesor i rilindjes tonë kombëtare për të ngritur popullin shqiptar në luftën për shtet-formim dhe pavarësi, është pikërisht Gjergj kastriot skëndërbeu që me veprën e tij frymëszoi të gjithë shqiptarët.
Sot bëhen 554 vjet nga vdekja e Heroit tonë Kombëtar, Gjergj Kastriot Skënderbeut. Ai vdiq më 17 janar 1468 në Lezhë. Gjergj Kastrioti ishte djali më i vogël i Gjon Kastriotit dhe i princeshës Vojsava, fëmija i fundit midis 4 djemve dhe 5 vajzave. Mendohet se lindi më 6 maj 1405 në Mat. Në janar të vitit 1468 Skënderbeu u sëmur gjatë zhvillimit të një Kuvendi të thirrur nga ai, në të cilin ishin të ftuar të gjithë princat shqiptarë. Vdiq me 17 Janar 1468 në Lezhë. I mbuluar me lavdi, ai u varros në Lezhë. Shqiptarët humbën prijësin e lavdishëm që i udhëhoqi për 25 vjet rresht.
