Një ngjarje e rëndë kriminale ka ndodhur në një familje shqiptare në Greqi. Një 40-vjecar shqiptar ka vrarë bashkëshorten e tij. Ngjarja e rëndë u regjistrua në orët e para të mëngjesit në Blaxioti, Lakonia.
Viktimë ka mbetur një 36-vjecare, e cila u mbyt me duar nga burri i saj, pas një sherri për motive banale.
Fill pas krimit, autori telefonoi më pas policinë ku tregoi ngjarjen. Forcat e policisë mbërritën në banesë dhe gjeten viktimën pa ndjenja, të cilët e transportuan në spital, ku u vërtetua dhe vdekja e saj. Çifti kishin dy fëmijë të mitur, ndërsa vetë punonin në bujqësi.
Ky nuk është rasti i vetëm ku familjet shqiptare në Greqi përfundojnë në vrasje.
Një burrë me origjinë shqiptare u vendos në muajin tetor në shënjestër të autoriteteve greke për vrasjen e dyfishtë në Chania, Kretë.
Autoritetet shqyrtuan të gjitha mundësitë për vrasjen brutale, duke kërkuar burrin që hyri në shtëpinë e gruas fatkeqe dhe e mbyti atë me shami.
Gruaja e moshuar u gjet në zonën Pasakaki të Chania brenda shtëpisë së saj ndërsa partneri i saj 82-vjeçar që ishte zhdukur u vra në një shtëpi tjetër. Trupi i tij u gjet i futur në një valixhe.
Policia pyeti fqinjët e gruas dhe ata që mund të kenë parë të moshuarin para zhdukjes së tij.
Disa ditë më parë ishte lëshuar një alarm për zhdukjen e të moshuarit, por nuk kishte as informacionin më të vogël, ndërsa kërkimi për vendndodhjen e telefonit të tij celular nuk kishte dhënë ndonjë rezultat.
Sipas vlerësimeve të ekzaminuesit mjekësor, gruaja u mbyt për vdekje dhe autori përdori një shami që u gjet e lidhur në një nyjë rreth qafës së saj .
