Detaje të reja janë zbuluar për 40-vjeçarin që shkaktoi kaos sot në rrugët e Tiranës duke u përplasur me automjete policie gjatë një ndjekjeje me makinën e tij “Land Rover”.
I arrestuari është identifikuar si Enis Vrapi. Vetëm 12 ditë më parë, ai ishte ndaluar në banesën e tij në rrugën “Fortuzi”, pasi qëllonte me një armë lodër që imitonte zhurmën e një arme zjarri, duke shqetësuar banorët e zonës. Policia ndërhyri për shkak të prishjes së qetësisë publike.
Sipas burimeve, Vrapi vuan nga probleme të shëndetit mendor dhe rezulton me kartelë mjekësore.
Për shkak të gjendjes së tij, pas arrestimit është dërguar në Spitalin Psikiatrik nr. 5 për një vlerësim të gjendjes së tij.
