Në përditësimin e fundit të Ministrisë së Shëndetësisë në lidhje me situatën e pandemisë në vend njoftoi për katër raste të reja në qytetin e Gramshit.
Sipas AbcNews mes të infektuarve me Covid-19 është drejtori i Zyrës së Punës në Gramsh Vesel Braho dhe bashkëshortja e tij.Për këtë arsye Zyra e Punës në Gramsh është mbyllur, për të penguar përhapjen e mëtejshme të Covid-19. Ndërkohë dy të infektuarit janë në gjendje të mirë shëndetësore dhe janë karantinuar në banesë.
Gjithashtu në Gramsh kanë rezultuar pozitiv me Covid-19 edhe një mësuese dhe polic i këtij qyteti. Ka filluar edhe gjurmimi epidemiologjik për kontaktet që të infektuarit kanë patur.
Ministria e Shëndetësisë ka njoftuar ditën e sotme se gjatë 24 orëve të fundit janë regjistruar 151 raste pozitive me Covid-19, nga 824 testime të kryera. Ndërkohë në dy spitalet Covid betejën me këtë virus të rrezikshëm nuk e kanë fituar një 75 vjeçar dhe një 76 vjeçare nga Durrësi, dhe një 91 vjeçar nga Tirana.
