Drejtoria e Krimit Ekonomik në Policinë e Shtetit prej dy ditësh ka nisur një operacion të gjerë anti-informalitet.
Deri më tani janë shoqëruar së paku 50 persona, ndërsa pas verifikimeve, 15 prej tyre kanë përfunduar në pranga.
Në këtë skemë mashtrimi janë të përfshira rreth 30 kompani, pjesa më e madhe e tyre fantazmë.
Të arrestuarit janë biznesmenë të njohur në fushën e ndërtimit dhe firmave të konstruksioneve.
Sipas “Report tv”, biznesmenët i kanë shkaktuar 4 milion euro dëm shtetit, duke kryer mashtrime me faturat tatimore.
Hetimi është drejtuar nga Prokurorja e Tiranës, Elisabeta Imeri, e cila ka firmosur urdhrat për shoqërim dhe për arrest.
Të arrestuarit janë Besnik Pelivani, Astrit Lala, Fatmir Firi, Paqsor Buzi, Vangjush Mbirce, Rabi Kurti, Riza Roshi, Haxhi Sala, Ilia Dimo, Ardian Bejko, Mhill Ndreca, Rrapo Baduni, Albert Ahmeti, Shkëlqim Prodani, Shpresa Joanidhi.
Kjo e fundit ishe edhe kandidate e Partisë Demokratike në qarkun e Gjirokastrës.
Ndërkohë aksioni po vijon dhe pritet të ketë edhe arrestime të tjera.
