Në një kohë që qeveria po projekton tkurrjen e zonave të mbrojtura në bregdet, kryesisht në vijën Vjosë-Nartë, drejtori i Zonave të Mbrojtura, Zamir Dedej, që është dhe kryesori në këtë fushë, nuk ka mbajtur ende një qëndrim të qartë publik.
Një grupim prej 37 organizatash mjedisore kombëtare dhe ndërkombëtare kanë ngritur alarm, sepse zona e mbrojtur Vjosë-Nartë rrezikohet nga ndërtimi i një aeroporti.
Madje kërcënimi i zhdukjes që po u bëhet zonave të mbrojtura në vijën bregdetare të Nartës, ka arritur deri në Bashkimin Europian.
Delegacioni i BE përmend në mënyrë specifike rastin e veçantë të zonës së mbrojtur Vjosë-Nartë në raportet vjetore për vitin 2019 dhe 2020, për Shqipërinë.
BE e ka ngritur këtë çështje rregullisht në dy vitet e fundit në takimet sektoriale me qeverinë e Shqipërisë duke theksuar që aeroporti i propozuar duhet të jetë në përputhje me legjislacionin e Shqipërisë dhe me konventat ndërkombëtare të mbrojtjes së biodiversitetit që Shqipëria ka ratifikuar.
Vlen të përmendet se sistemi ligatinor Vjosë-Nartë është shpallur si zonë e mbrojtur që në vitin 2004 dhe vendi ku është parashikuar te ndërtohet aeroporti, është pjese e zonës C.
Fillimisht kur u paraqit projekti nga qeveria Rama, Drejtori Agjencisë Kombëtare te Zonave te Mbrojtura, Zamir Dedej tha se vendi ku është parashikuar ndërtimi i aeroportit nuk e prek habitatin e shpendëve, duke lënë kështu hapur dyshimet se nuk do të jetë pengesë e projektit.
“Është më mirë që ne ta heqim nga zona e mbrojtur, sepse edhe në kontekstin mjedisor nuk besoj se do bëjme ndonjë gabim. Kjo bëhet me një vendim qeverie. Por ne paralel mund të themi qe Ministria e Mjedisit ka filluar teë shikoi të gjitha zonat e mbrojtura, në të cilën ne kemi bërë zgjerime e nevojshme dhe zvogëlimet kur ka pasur nevojë dhe saktësimin e tyre . Besoj në këtë konturë do jetë dhe kjo e Nartës. Do ta shikoja dhe me nje sens pozitiv. Peizazhi i mbrojtur Vjosë-Nartë është teper interesant, por nga ana tjetër ka mbetur si një oaz pa shumë interes zhvillimi.”, ka deklaruar Dedej.
Pra çfarë fshihet në prapaskenë është fakti që i njëjti person që po kërkon rishikimin e vendimit për aeroportin dhe që kërkon gjithashtu mbrojtjen e e flamingove, bën në fakt lojë të dyfishtë.
Zamir Dedej, prej kohësh tashmë është ‘krahu i djathtë” i qeverisë. Ai vazhdimisht ka fituar tendera publik të majmë, të cilët supozoheshin të ishin vënë në funksion të mjedisit.
Edhe pse në rrjetet sociale shoqata e tij INCA bën postime të vazhdueshme kundër aeroportit, në të vërtetë kjo shoqatë nuk është bërë pjesë e 37 organizatave ndërkombëtare që e kundërshtojnë këtë projekt.
Në përfundim, sikurse gëzon dhe mbështetjen e delegacionit europian dhe organizataave të huaja, aeroporti në zonën e Vlorës nuk duhet ndërtuar, pasi dëmtohet zona e mbrojtur në këtë zonë.
Por çështja ende mbetet pezull, pasi Dedej ende nuk ka vendosur cilën anë të mbajë, atë të mjedisit, apo qeverisë.
