Një ngjarje e rëndë ka ndodhur në Shkodër, ku një i ri ka qëlluar të dashurën e tij me armë zjarri dhe më pas ka kryer vetëvrasje.
Vajza, e identifikuar si Anila Prendushi, fillimisht u raportua si e vdekur, por për fat të mirë është dërguar në spital dhe ndodhet në jetë, në gjendje të rëndë.
Prendushi ishte nenë e 3 fëmijëve dhe prej 6 vitesh ishte e divorcuar. Prej 5 vitesh bashkëjetonte me Kolë Manaj.
Manaj, 34 vjeç, ka ndërruar jetë në vend, pasi ka qëlluar veten pas sulmit ndaj të dashurës.
Ngjarja ka ndodhur në lagjen “Mark Lula”, brenda një automjeti, ku autoritetet kanë gjetur një armë zjarri pistoletë.
Automjeti nuk ka pësuar dëmtime të jashtme nga armët, dhe nuk dihen ende të gjitha rrethanat që çuan në këtë tragjedi.
Policia ka nisur hetimet dhe po punon për zbardhjen e ngjarjes.
