Që nga viti 2002, shumë shqiptarë kanë arritur të fitojnë nënshtetësi në vendet e BE-së dhe numrin më të lartë të tyre e shënojnë në Itali dhe në Greqi.
Në Itali, komuniteti shqiptarë zë vendin e dytë për sa i përket numrit.
Ndërsa Mbretëria e Bashkuar ka dhënë rreth 11 mijë nënshtetësi duke zënë vendin e tretë përsa i përket lëshimit të nënshtetësive.
Kemi edhe Gjermaninë ku sipas të dhënave mësohet se në 2017 u përgjysmua numri i shqiptarëve në këtë shtet për shkak të refuzimit të kërkesave për azil nga shteti gjerman, duke bërë kështu që shqiptarët të kthehen në Shqipëri.
Prej 2002 rreth 150 mijë shqiptarë kanë marrë nënshtetësinë greke dhe rreth 148 mijë kanë marrë nënshtetësinë italiane.
Të dhënat e publikuara nga Eurostat dhe të përpunuara nga Monitor tregojnë se 2017-n në Itali kishte rreth 448 mijë shqiptarë.
Ndërsa të dhënat për numrin e shqiptarëve në Greqi nuk dihen sepse nuk janë të raportuara.
Vendi i tretë i takon Mbretërisë së Bashkuar ku prej 2002 janë dhënë rreth 11 mijë të tilla.
Nënshtetësinë gjermane e kanë marrë 5700 shqiptarë. Të dhëna nga Eurostat tregojnë se në 2017 numri i shqiptarëve që jetojnë atje u përgjysmua nga 74 mijë në 49 mijë. Pjesa më e madhe e tyre kanë qenë azilkërkues të cilët iu është refuzuar kërkesa për azil dhe janë rikthyer në Shqipëri.
Nga 2011 në Gjermani kanë aplikuar për azil në Gjermani 90 mijë shqiptarë, por pjesa më e madhe e tyre kanë marrë përgjigje negative.
Më pas numrin e nënshtetësive të lëshuara ishte Belgjika me 5000 aplikime.
Franca lëshoi rreth 3400 nënshtetësi për këtë periudhë. Mungojnë të dhënat e raportuara nga Franca mbi numrin e shqiptarë që jetojnë aktualisht atje, por së fundmi ka pasur një bum të kërkesave për azil nga shqiptarët, duke u renditur në 3 vendet kryesore të origjinës. Prej 2011-s rreth 40 mijë shqiptarë kanë aplikuar për azil në Francë.
Në Suedi dhe në Austri janë lëshuar respektivisht nga 1000 nënshtetësi për shtetas shqiptarë. Në total janë rreth 1.6 milionë individë që jetojnë jashtë territorit të Shqipërisë, sipas të dhënave të Diasporës, një publikim i ri i INSTAT. Nga këta 825 mijë individë (gati 53%) janë meshkuj dhe 755.6 mijë janë femra.
/Monitor/
