Covid-19 u shfaq që në vitin 2019 dhe që nga ai vit duket sikur bota është e “pushtuar” nga pandemia.
Ndërkohë që vaksinimi vazhdon të kryhet, gjithashtu nga ana tjetër kemi edhe variantet e reja të Covid-19.
Tashmë varianti më i ri i koronavirusit “Omicron” po përhapet me shumë shpejtësi dhe po infekton personat në masë.
CEO i Pfizer, Albert Bourla, tha se “shumë shpejt do t’i rikthehemi normalitetit”, tha ndërsa paralajmëroi një investim të madh në Francë për prodhimin e pilulës së re kundër koronavirusit.
Duke folur për rrjetin televiziv francez BFM TV, drejtori ekzekutiv i kompanisë amerikane tha se “kjo do të jetë vala e fundit me kaq shumë kufizime”. I pyetur nga gazeta franceze ‘Le Figaro’ nëse varianti Omicron do të sillte fundin e pandemisë, Burla tha se do të ishte e pamundur të parashikohej diçka e tillë pasi virusi pëson vazhdimisht mutacione.
Ai shtoi, megjithatë, se “ne së shpejti do të jemi në gjendje t’i rikthehemi jetës normale, deri në pranverë, për shkak të testeve, vaksinave, trajtimeve të reja si Pfizer Paxlovid”.
Në të njëjtën kohë, Bourla paralajmëroi një investim prej 520 milionë eurosh në Francë gjatë pesë viteve të ardhshme, duke forcuar kapacitetet prodhuese të industrisë farmaceutike për Paxlovid, në bashkëpunim me kompaninë franceze Novasep.
