Kjo e shtunë shënon 3 vite nga tërmeti tragjik që tronditi Shqipërinë me 26 nëntor 2019.
Ndërkohë inxhinieri Rezeart Zgjanjolli për Fax News ka folur në lidhje me situatën 3 vite pas tërmetit shkatërrues të 26 nentorit.
“Pas tërmetit qe një mobilizim i të gjitha disiplinave dhe u bë një punë e mirë e investigimit të dëmeve.
Jemi në pikën ku në disa qytete të prekura, ka ecur më avash edhe për shkak të masivitetit të ndërtesave për tu rekuperuar. Nga ky nxitim dhe dëshirë për të prodhuar punë të shpejta, jo në pak raste nuk janë bërë ligje të mira, të sakta. Ky nxitim ka prodhuar dy gjëra, pjeserisht të mira.
Inspektimet u bënë me një nxitim marramendës për ndërtesat para viteve 90. Për meritë të inxhinierëve të vjetër shumë ndërtesa të vjetra nuk u dëmtuan .
Sot jemi të “zhveshur” lakuriq ndaj një ngjarje tjetër sizmike. Mund të jetë më e madhe dhe e vogël por do të ndodh”, shprehet inxhinieri.
Kujtojmë që Tërmeti shkaktoi dëme të mëdha materiale dhe shembjen e qindra banesave duke lënë pa strehë shumë familje kryesisht në Thumanë dhe në disa zona të Durrësit.
Edhe pse u bashkuam të gjithë me dhimbjen e tyre, edhe pse kanë kaluar 3 vjet, ngjarja është akoma e freskët për ata që kanë humbur të afërmit e tyre dhe për ata që ende nuk janë strehuar në shtëpitë e rindërtuara.
