Ditën e djeshme tre turistë çekë, të cilët mbetën të bllokuar në vendin e quajtur ‘Curraj i Epërm’ janë shpëtuar. Pas dy operacioneve të kryera nga ekuipazhi i helikopterit të Forcës Ajrore EC 135 ata kanë arritur të shpëtohen.
Ministria e Mbrojtjes bën të ditur gjithashtu se tre turistët janë në gjendje të mirë shëndetësore. Ndërkohë që lajmi mbi shpëtimin e tre turistë çekë që kishin ngecur në një zonë malore mes fshatrave Theth dhe Valbonë në Alpet Shqiptare, ka bërë bujë edhe në në mediat çeke.
U desh ndërhyrja e një helikopteri për shkak të terrenit të vështirë për t’u aksesuar, shkruan ‘Cnn.iprima.cz’.
“Rreth orës 10:07, kemi marrë informacion se tre turistë çekë kanë mbetur të bllokuar në terrene të pjerrëta në kufirin mes Thethit dhe Valbonës”, tha policia.Për shkak të terrenit të pjerrët dhe të vështirë dhe largësisë së alpinistëve nga ku mund të arrijnë me makinë, është kërkuar një helikopter”, shkruhej gjithashtu në artikull.“Policia, tha se helikopteri nuk mundi të operonte në zonë për shkak të mjegullës dhe terrenit të pjerrët. Rojet dhe shpëtimtarët përfundimisht arritën te turistët në këmbë dhe i çuan në një vend ku mund të ulej helikopteri. Ata janë në gjendje të mirë shëndetësore.”, thuhet në artikull ndër të tjera.
“Zona malore rreth Thethit, ku majat e shkëmbinjve arrijnë një lartësi deri në 2400 metra, është një destinacion popullor për turistët nga Evropa Perëndimore dhe Qendrore, veçanërisht nga Republika Çeke. Fakti që tre studentë çekë u zhdukën në këtë zonë në vitin 2001 nuk i pengoi ata të udhëtonin në këto vende. Në vitin 2015, dy turistë çekë u vranë në malet në veri të Shqipërisë”, raportohet ndër të tjera në artikullin e medias çeke.
