Një ngjaje e pazakontë ka ndodhur ditën e sotme në Vlorë ku 3 gra janë ngujuar për rreth një orë brenda një dyqani dhe kërcënojnë me vetëvrasje.
Bëhet e ditur se 3 gratë kanë një bombël gazi brenda dyqanit, dhe kërcënojnë me vetëflijim. Problemi i tyre është prona, passi deklarojnë se ndërtuesit e pallatit nuk i janë përmbajtur aktmarrëveshjes që kanë bërë dhe nuk u kanë dhënë ç’ka ata kanë pretenduar në këtë ndërtesë. Gratë thonë se sipas kontratës duhet të merrnin banesë, ndërkohë që pronari i pallatit i ka hedhur në rrugë.
Gratë e moshës njëra rreth të 80-ve dhe dy rreth të 50-ve, edhe pas ndërhyrjes së policisë, ato kanë refuzuar të dalin jashtë ambientit duke kërkuar zbatim të aktmarrëveshjes që kanë bërë para ndërtimit pallati, raporton Ballkan Web.
“Kemi që në 2012 që presim të marrim apartamentin dhe nuk e kemi marrë, nuk kemi marrë asnjë zgjidhje deri sot. U jemi drejtuar të gjitha institucioneve, njëri prej nesh i ka fituar gjyqet në tre shkallët, dhe tjetrës jo”, shprehet një prej banoreve.
Një prej tyre tha se ka filluar te jetojë në këtë dyqan, pasi nuk i është dhënë në mënyrë të drejtë nga ndërtuesit aktmarrëveshja. Ende po vijon trataktiva me drejtuesit e policisë që zonjat të dalin nga dyqani.
Ndërkohë që , jashtë ambientit të këtij lokali ndodhet edhe bashkëshorti i një prej grave i cili shprehet: Problemi qëndron se ne kemi bëtë një marrëveshje dhe nuk i kanë qëndruar marrëveshjes. Kemi 10 vite. Na kanë thënë që nuk ua prishëm ne shtëpinë por shteti, po deshët merrni një apartament, po s’deshët asgjë, kemi dhe kërcënime, një nga ndërtuesit dje tha ‘do ta shikosh veten në ndonjë buzë kanali’ Ne sot po flemë në një dyqan të kapur forcërisht, por falë zotit policia nuk na ka nxjerrë jashtë, kemi 10 ditë.
Video më lart e siguruar nga “Fax News” tregon gjendjen e 3 grave që dëshpirimisht kërkojnë të drejtat e tyre, ku institucionet shtetërore janë një “vesh i shurdhët”.
