Çifti Obama duket se është më i dashuri për publikun botëror dhe këtë ata e kanë vërtetuar përsëri ditën e sotme.
Michelle dhe Barack festojnë 28-vjetorin e martesës dhe kurrsesi nuk mund të mungonin dhe dedikimet romantike të njëri tjetrit në rrjetet sociale të cilat kanë tërhequr vëmendjen e të gjithëve.
“28 vjet me të. Unë e dua Barack Obama për buzëqeshjen, karakterin dhe dhembshurinë e tij. Pra, shumë mirënjohëse që e kam atë si një partner përmes gjithçkaje që jeta na hedh. Dhe këtë vit, ne kemi një kërkesë për ju – zgjidh një person në jetën tënde që mund të mos votojë dhe sigurohu që ta votojnë. Na trego në komente! Ky është një mesazh përvjetori i llojit më të mirë. Të dua, Barak”, ka shkruar Michelle në Instagram.
Ndërkohë ish-presidenti Obama ka qëndruar në kufijtë e dedikimit të përzemërt, pa u marrë aspak me klimën politike në vend.
“Edhe me gjithçka që po ndodhte, doja të merrja një moment për t’i thënë gëzuar përvjetorin dashurisë sime të jetës. Çdo ditë me Michelle Obama më bën një burrë më të mirë, një baba më të mirë dhe një njeri më të mirë”, u shpreh Barack në postimin e tij.
