Aksidenti i lajmëruar si i tillë mëngjesin e sotëm, duket se nuk ka qenë plotësisht i saktë, pasi Policia e Peqinit ka hedhur dyshime të tjera për ngjarjen.
Gjetja e Sokol Veliraj, 27-vjeçar buzë rrugës është marrë nga policia si aksident, ku i riu ishte goditur nga një motoçikletë në aksin rrugor Elbasan- Peqin, mirëpo pas bërjes së ekspertizës detaje te rëja kanë dalë të dritë.
Sipas grupit të hetimit të mbërritur menjëherë në vendngjarje, nuk ka asnjë shenjë gjaku në vendin ku është gjetur trupi dhe ku mendohej se ishte realizuar aksidenti dhe mbi të gjitha nuk ka asnjë gjurmë se në këtë vend mund të ketë ndodhur një përplasje.
Ajo që i shton më shumë dyshimet janë shenjat e gjetura në trupin e 27-vjeçarit, ku mjekët kanë dalluar dëmtime poshtë mjekrës.
I riu, Sokol Veliraj mësohet se ishte nga Elbasani, por jeton në Pogradec prej shumë kohësh, ndërkohë që së fundmi kishte filluar punë si çoban në fshatrat e Tepelenës. Ende nuk ka asnjë pistë apo të dhënë rreth personave që kanë kryer krimin, megjithatë policia është duke punuar për zbardhjen e plotë të saj.
