Në 25 vjetorin e fillimit të bombardimeve të NATO-s në ish-Jugossllavi ambasadorët e shteteve të QUINT-it në Serbi kanë dalë me një deklaratë të përbashkët.
Diplomatët e cilësuan këtë ndërhyrje ushtarake të detyrueshme për të parandaluar një katastrofë humanitare. Sipas tyre, ndërhyrjen ushtarake nuk e donte askush, por ajo nisi për të detyruar Slobodan Millosheviç, për të ndaluar abuzimin ndaj popullatës civile në Kosovë.
‘Ky operacion ushtarak është nisur pasi janë shterur të gjitha mjetet politike dhe diplomatike për të bindur Sllobodan Millosheviqin që të pajtohet për një zgjidhje të negociuar dhe për paqen në Kosovë, në bazë të Marrëveshjes së Rambujes dhe me përmbushjen e kërkesave të Rezolutës 1199 të Këshillit të Sigurimit’, shkruhet në reagim. Ambasadorët e Francës, Italisë, Gjermanisë, Norvegjisë, ShBA-së dhe Britanisë së Madhe mbështesin gjetjen e një zgjidhjeje në mosmarrëveshjen mes dy shteteve, të cilën e kanë quajtur çështje urgjente të sigurisë europiane dhe thonë se janë të bindur që se zbatimi i plotë i Marrëveshjes së Ohrit të arritur nën kujdesin dhe ndërmjetësimin e Bashkimit Evropian është rruga më e mirë përpara drejt paqen dhe stabilitetin në dobi të njerëzve që jetojnë në Serbi dhe Kosovë.
Sipas kësaj deklarate, ushtria serbe po bashkëpunon gjithnjë e më shumë me aleancën e NATO-s dhe partnerët evropianë duke marrë pjesë në misionet e Përbashkëta të Sigurisë dhe Politikës së Mbrojtjes. Më 24 mars 2024 bëhen 25 vjet që kur filluan bombardimet e para të forcave ajrore të Aleancës Veri-atlantike, NATO, kundër forcave serbe në Kosovë.
Meloni ul taksat për naftën, asnjë lehtësim në Shqipëri: Rama pa masa për qytetarët
Ndërsa qytetarët shqiptarë përballen çdo ditë me rritje të pandalshme të çmimeve të karburanteve, reagimi i qeverisë shqiptare mbetet në...
