Policia e Shtetit, me anë të një njoftimi ka publikuar një tjetër personazh të botës së krimit, i cili është shpallur në kërkim për vrasje.
Bëhet fjalë për shtetasin Engjëll Brahimi, i cili është dënuar me burg përjetë dhe njëkohësisht është një nga 50 të kërkuarit për t’u kapur nga Njesia e Kërkimit.
Sipas policisë, në datën 10 gusht 2000, në vendin e quajtur “Pishporo”, në Fier, shtetasi Engjëll Brahimi, në bashkëpunim me shtetas të tjerë, ka vrarë me armë zjarri shtetasin A. B., punonjës policie, të birin e tij 8-vjeçar, si edhe i ka plagosur nipin 10 vjeç.
Njoftimi i plotë i policisë
I dënuari me burg përjetë Engjëll Brahimi
Në datën 10 gusht 2000, në vendin e quajtur “Pishporo”, në Fier, shtetasi Engjëll Brahimi, në bashkëpunim me shtetas të tjerë, ka vrarë me armë zjarri shtetasin A. B., punonjës policie, të birin e tij 8-vjeçar, si edhe i ka plagosur nipin 10 vjeç.
Shtetasi Engjëll Brahimi është dënuar me burgim të përjetshëm nga Gjykata e Shkallës së Parë Fier, për veprën penale “Vrasje me paramendim, për hakmarrje”.
