Berisha këtë të premte po mban “Foltoren e Kurbinit”, nga ku nuk harroi të kujtojë me 1 minutë heshtje tërmetin e tmerrshëm me 51 viktima më 26 nëntor 2019.
Ish kryeministri ka hedhur një akuzë të fortë ndaj qeverisë duke e konsideruar tërmetin e 26 Nëntorit si një krim shtetëror, pasi ndonëse konsastoi se pallatet ishin të pabanueshme përseri i la banorët në mëshirë të fatit.
Sipas Berishës përgjegjësia e vdekjes së 51 personave nga tëremti i tmerrëshem është e qeverisë pasi ajo duhet të të merrte masa për ndërtesat të cilat ishin jashtë standartëve.
Ndërkaq Berisha shprehet se sot pas 2 vitesh pas tërmetit pasojat janë ende të freskëta, pasi shumica e banorëve në Milot janë të pastrehë.
“Të dashur qytetar të Laçit dhe të Kurbinit. Si sot dy vite më parë, Kurbinin dhe zonat e tjera të Shqipërisë së mesme i goditi një tërmet i rëndë. 51 gra, burra humbën jetën në rrënojat e këtij tërmeti. Viktimat siç e dini ju ishin një krim i mirëfilltë shtetëror, pasi pallatet e viktimave u bënë të pabanueshme në tërmetin e shtatorit. Por një qeveri e papërgjeshme dhe e cila është vite dritë larg qytetarëve, e cila ka si objekt kryesor grabitjen e çdo gjëje të qytetarëve, ndonëse konstatoi se pallatet ishin të pabanueshme i la banorët në mëshirë të fatit për t’i marrë jetën një tërmet tjetër. Sot për 51 viktima, për shmebjen e qindra ndërtimeve jashtë standardeve, para ligjit nuk ndodhet asnjë zyrtar, asnjë qeveritar dhe kjo është një krim i dytë i shëmtuar pas braktisjes së tyre. Për të nderuar kujtimin e tyre, ftoj të mbajmë një minutë heshtje. I paharruar kujtimi i tyre.
Sot pas 2 vitesh shumica e banorëve janë pa strehim, të tjerë në Milot janë në cadra. Uroj që paratë e ndërtimeve të mos pësojnë fatin e fondeve për ndërtimin e spitalit memorial apo atë të xhamisë në Tiranë, në të cilat duket se vëllau me dorë ka bërë abuzime të mëdha. Miqtë e mi, ne mblidhemi sot në një kohë kur vendi ndodhet në një situatë kritike sepse një qeveri e cila 8 vite me rradhë ka mashtruar ditë e natë qytetarët shqiptarë, vjedhur dhe plackitur ata cdo minutë, cdo ditë cdo javë dhe cdo muaj. I ka mbuluar ata me pasiguri të plotë, i ka përzënë ata nga vendi. Në këto kushte përsëri, Edi Rama mori mandatin e tretë”, u shpeh Berisha.
