Është thelluar bilanci i viktimave nga Covid-19 pasi dy qytetarë nuk e kanë fituar dot betejën me Covid-19 në spitalin infektiv gjatë 24 orëve të fundit. Pacientët 58 dhe 59 vjeç nga Tirana, me disa sëmundje bashkëshoqëruese, nuk mundën të mbijetojnë, duke e çuar në 83 numrin e viktimave në total.
Numri i të infektuarve me Covid-19 ka rënë gjatë 24 orëve të fundit pasi Ministria e Shëndetësisë dhe Mbrojtjes Sociale informon se janë kryer 397 testime për të dyshuar të prekur me Covid-19, nga të cilat janë konfirmuar 68 raste pozitive. Shpërndarja gjeografike e rasteve është si vijon: 24 raste në Tiranë, 9 në Krujë, 8 në Kukës, nga 5 raste në Vlorë, Berat, nga 3 raste në Elbasan, Lezhë, Kavajë, nga 2 raste në Shkodër, Kurbin, Korçë dhe nga 1 rast në Divjakë dhe Lushnje.
Situata në spitalin Infektiv paraqitet serioze, pasi ka rëndim të gjendjes shëndetësore të pacientëve në terapi intensive dhe është rritur numri i pacientëve të intubuar. Aktualisht janë të shtruar 83 pacientë në spital, 10 pacientë janë në terapi intensive dhe 4 prej tyre janë të intubuar në gjendje të rëndë.
Në 24 orët e fundit janë shëruar 47 qytetarë, duke e çuar në 1,791 numrin e të shëruarve që nga fillimi i epidemisë.
Në vendin tonë aktualisht janë 1,232 persona aktivë me Covid-19, kryesisht në Tiranë, Shkodër, Krujë, Durrës.
Shpërndarja gjeografike e rasteve aktive sipas qarqeve:
Tiranë 488
Durrës 222
Shkodër 161
Vlorë 120
Lezhë 65
Fier 42
Korçë 31
Elbasan 28
Kukës 28
Berat 20
Gjirokastër 15
Dibër 12
