Edi Rama, kryeministri i Shqipërisë, udhëtoi ditën e djeshme drejt Stambollit, për të siguruar sa më shumë doza vaksinash anti-Covid. Duket se udhëtimi i Ramës në Turqi ka rezultuar i suksesshëm, pasi është shprehur sa ka siguruar 1 milion vaksina, ky gjysma e tyre do të vijë brenda 60 ditësh.
Pak çaste më parë, kreu i qeverisë tha se nga sot, do të vijnë vaksinat e para, si dhe ka siguruar plot 1 milion vaksina të tjera. Do të mbërrijnë sot dozat e para të vaksinave anti-Covid kineze “Coronavac”, për të cilat vetë kryeministri Edi Rama udhëtoi që dje në Stamboll. Siç shihet edhe nga pamjet që publikon live kryeministri Rama në faqen e tij, në aeroportin turk po nisen 192 mijë dozat e para.
Kryeministri tha më tej tha se janë siguruar 1 milionë vaksina të tjera. “Kemi siguruar 1 milion vaksina të tjera. Kontraktuam për momentin gjysmë milionë doza brenda 60 ditësh. Sjellim sot në Tiranë 192 mijë dozat e para”, shkruan Rama. 192 vaksinat e para do të vijnë në kryeqytet, nga ku pritet edhe nisja e vaksinimit masiv të qytetarëve. Nga ana tjetër, kryeministri nuk dha një datë konkrete për ardhjen e vaksinave të tjera të kontraktuara. Tema e vaksinave ka qenë një ndër më të përfolurat muajt e fundit dhe duket se qeveria shqiptare po nis nga puna më në fund për vaksinimin masiv të qytetarëve.
