Naftëtarët e uzinës së Ballshit, kanë dalur nga greva e urisë, pas 18 ditësh ngujim.
Pas rëndimit të gjendjes së tyre shëndetësore, dhe apelit të mjekëve për lënien e grevës, ditën e sotme për shkak të gjendjes së rënduar kanë dalë nga greva 10 naftëtarë të cilët ishin të ngujuar prej 18 ditësh.
Ndërkohë mësohet se në vend të tyre priten që të futen në grevë urie bashkëshortet e naftëtarëve.
Kujtojmë se ditën e djeshme naftëtarët zhvilluan një takim me përfaqësuesit e uzinës për përpunimin e naftës, por që rezultoi pa sukses.
Gjithashtu edhe mjekët u kanë bërë thirrje naftëtarëve që të ndërpresin grevën, pasi gjendja e tyre shëndetësore po rëndohet.
Kryetari i Sindikatës së Naftëtarëve të Bashkuar, Sokol Dautaj, është shprehur se tashmë greviste të urisë do të jenë gratë.
Mjekët që kanë ndjekur gjatë gjithë kohës gjendjen shëndetësore të grevistëve, i këshilluan ata që ta linin grevës, si dhe bënë apel që ambjentet ku po mbahet greva e urisë janë të papërshtatshme.
Sakaq gratë e naftëtarëve nuk kanë humbur kohë dhe kanë hyrë në grevë urie pranë Uzinës./GazetaReforma.com/
