Naftëtarëte Ballshit vijojnë protestat e tyre për pagat e pamarra dhe për rifillimin e punës në rafineri.
Ditën e sotme shënohet dita e 17-të e grevës së urisë së naftëtarëve që kanë ndërmarrë këtë akt ekstrem, ndërkohë qindra kolegë të tyre protestuan në ambientet e uzinës.
Ata ccanë me forcë rrethimin nga policia, dhe u futën në ambientet e brendshme të saj. Kreu i Sindikatës, Sokol Dautaj, në një fjalë për mediat u shpreh se këtë veprim sot e bënë për të treguar se në uzinë nuk ka kompani private, dhe se janë larguar e aty nuk ka asnjë pronar.
Ai komentoi gjithashtu edhe fjalwt e kryeministrit dje, ku u shpreh se me ndihmwn e Zotit do e zgjidhin situatwn e tyre. Dautaj deklaroi se nwse kryeministri ia lw Zotit nw dorw, ata janw tw vdekur.
“Duhet të reagojnë një orë e më parë. Kjo është një tallje e madhe. E bëmë këtë veprim sot që të mos dalin më në media dhe të thonë privat privat. Ku është privati. Këta kanë marrë një urdhër për të mos i nxjerrë zbuluar. Këta thonë le të vdesin këta naftëtarë në grevë urie. Ndoshta do fillojmë të marrim menaxhimin e terrenit.
Personat e duhur t’i bëjnë thirrje shtetit të marrë në dorë rafinerinë. Kryeministri tha me ndihmën e zotit. Ne kemi 17 ditë në grevë urie këtu. Nuk është problem për të marrë rafinerinë. Ne donim të tregonim se këtu nuk ka pronar. Për të marrë rafinerinë mund ta marrim me një thirrje vijnë 800 naftëtarë. Kush do të na ndalojë ne, këta policët privatë?!
Është i gjithë fati i qytetit. Rafineria punon me naftëtarë. Të na japin ca na takon, ikim ne shikojmë hallin tonë. Hapi i radhës është shumë i qartë, kjo është në dorën e naftëtarëve, më shqip dhe qartë që i kemi shprehur kërkesat tona, nëse do ia lëmë Zotin, ne të vdekur jemi”” – u shpreh Dautaj.
/GazetaReforma.com/
