Sot, Komisioni Evropian ka paraqitur një paketë prej gati 530 milion € një mbështetje shtesë financiare nën Fondin e Solidaritetit të BE (EUSF). Ky fond do të kontribuojë në përpjekjet e vendosura nga 17 Shtetet Anëtare dhe 3 vendet e pranimit (Austria, Belgjika, Kroacia, Çekia, Estonia, Franca, Gjermania, Greqia, Hungaria, Irlanda, Italia, Letonia, Lituania, Luksemburgu, Portugalia, Rumania, Spanja dhe Shqipëria, Mali i Zi dhe Serbia) për të mbrojtur shëndetin publik në luftën kundër koronavirusit.
Ky financim do të mbështesë një pjesë të shpenzimeve të tyre publike për pajisjet mjekësore dhe personale të mbrojtjes, mbështetjen emergjente për popullatën dhe masat e parandalimit, monitorimit dhe kontrollit të përhapjes së sëmundjes.
Komisionerja për Kohezionin dhe Reformat, Elisa Ferreira tha: “Fondi i Solidaritetit të BE-së është një demonstrim konkret i solidaritetit Evropian në veprim. Që nga krijimi i saj, ai ka ofruar ndihmë dhe lehtësim efektiv për miliona njerëz gjatë kohërave të vështira. Vitin e kaluar, ne zgjeruam fushën e tij për të mbuluar emergjenca të mëdha shëndetësore. Tani ne po propozojmë të mobilizojmë asistencën financiare që lidhet shumë me koronavirusin. EUSF edhe një herë është duke përmbushur misionin e tij kryesor. ”
Mobilizimi i pagesave përfundimtare të EUSF për 17 shtetet anëtare bazohet në një vlerësim të plotë të aplikimeve të paraqitura, duke siguruar qëndrueshmëri në qasjen dhe trajtimin e barabartë.
Kontributi financiar i propozuar nga Komisioni tani duhet të miratohet nga Parlamenti dhe Këshilli Evropian. Ndihma financiare do të shpërndahet për vendet aplikuese, ndërkohë vihet re se Kosova nuk është pjesë e kësaj liste.
