Para pak ditësh, në Vaqarr u zhvillua një operacion, teksa u sekuestruan rreth 119 kg kokainë. Ndërkohë pas kapjes së autorëve që fshiheshin pas ngjarjes, Gjykata e Tiranës ka lënë në burg 2 shoferët e kamionëve ku u kapën 119 kokainë, përkatësisht shtetasit me iniciale G.K dhe H.S.
Gjithashtu në qeli është futur edhe administratori i firmës së bananeve Zico Sh.A. Më konkretisht shtetasit e burgosur mësohet se janë janë Marson Murataj 34 vjeç, banues në Tiranë, administrator i firmës import-eksporti me vendet e Amerikës Latine, Gëzim Kalaja dhe Hasan Saliu drejtues të makinave të firmës.
Droga e kapur e llojit kokainë, dyshohet se ka hyre ditë me parë dhe kjo nëpërmjet Portit të Durrësit nga konitenierë që po transportonin banane nga vendet e Amerikës latine, nga një kompani e njohur. Pas konstatimit të drogës, autoritetet kanë mbajtur nën mbikëqyrje ngarkesën që nga Porti i Durrësit për në zonën e Vaqarrit, pasi ka pasur i formacione dhe indicie rreth saj. Në afërsi të fshatit Romanat në rrugën nacionale Durrës-Tiranë kamioni është ndaluar nga 3 persona ende të paidentifikuar, të cilët për disa minuta kanë ushtruar kontroll në kamion dhe në kontejner dhe më pas janë larguar me shpejtësi.
Për këtë ngjarje përfaqësuesit e firmës importuese të bananeve kanë njoftuar Policinë e Shtetit. Uniformat blu bënë një kontroll të imtësishëm në kontejner dhe gjetën 119 kilogramë kokainë.
