Shqipëria humbi gjyqin ndërkombëtar me Francesco Becchetti-n, ish-pronarin e Agon Channel të cilit duhet t’i paguajmë tashmë 110 milionë euro. Por duket se ky vendim nuk e shqetëson aspak krzeministrin Edi Rama, i cili ka fituar tre nga katër gjyqet ndërkombëtare ndaj këtij „marifetçiu” siç e quan ai Becchetti-n.
Në dy tweet-e të njëpasnjëshme Rama nuk thotë as gjë për faktin se nga buxheti i shtetit do të paguhen 110 milionë euro, por sipas tij gëzimi i presidentit Ilir Meta dhe Lulzim Bashës, të cilit i referohet si Lulepartia, është i parakohshëm. Nuk dihet për çfarë e ka fjalën Rama pasi vendimi i gjykatës së arbitrazhit ishte përfundimtar, ndërsa në momentet e delirit të kryeministrit gjyqi nuk ëhstë mbyllur akoma madje kemi fituar tre herë.
„Shqipëria ka fituar tre nga katër gjyqet ndërkombëtare ndaj këtij marifetçiu dhe beteja vazhdon!
Gëzimi sharlatanesk i Presidentit mendjehumbur dhe i partisë që për pushtet po infekton përditë shqiptarët, do të zgjasë pak dhe ata do të humbasin, jo Shqipëria! E cila siç po fiton mbi Armikun e Padukshëm, do të fitojë edhe mbi Marifetçiun e Paskrupullt!
Gëzimi i Ilir Metës dhe i Lulepartisë për vendimin e padrejtë të arbitrazhit në favor të një individi që kërkohet nga drejtësia shqiptare është sa i neveritshëm, aq dhe i parakohshëm!”, shkruan Rama.
Gëzimi sharlatanesk i Presidentit mendjehumbur dhe i partisë që për pushtet po infekton përditë shqiptarët, do të zgjasë pak dhe ata do të humbasin, jo Shqipëria! E cila siç po fiton mbi Armikun e Padukshëm, do të fitojë edhe mbi Marifetçiun e Paskrupullt!
— Edi Rama (@ediramaal) April 2, 2021
