Situata në Kosovë paraqitet më shumë se e tensionuar dhe kjo për shkak të protestave dhe problematikave të hasura mes liderve politikë, megjithatë duket se edhe diçka tjetër do shtohet.
“Korrigjimi i kufijve” është një nga çështjet më të nxehta të momentit dhe pikërisht për këtë arsye, serbët që jetojnë në veri të Kosovës kanë paralajmëruar protestë gjatë ditës së nesërme.
Ka qenë vet nënkryetari i Listës Serbe, Igor Simic, ai që ka ftuar dhe iu ka bërë thirrje serbëve që jetojnë në Kosovë që nesër të bashkohen dhe të vendosen para zyrave të Bashkimit Evropian dhe EULEX-it për të kërkuar të drejtat e tyre.
Me anë të kësaj proteste ata do të kundërshtojnë “Aneksimin e Mitrovicës së Veriut”, – shkruan Blic.rs.
Simic ka thënë se Prishtina ka paralajmëruar aneksimin e Mitrovicës së Veriut dhe gjithë pjesës veriore.
Lista Serbe ka thënë se ditën e nesërme, datë 1 shkurt ora 12:00 ata kanë për të qenë aty me qytetarët që do të ngrihen të protestojnë.
Kjo protestë organizohet me pretendimin për të kundërshtuar sipas Listës Serbe planet e përfaqësuesve politikë shqiptarë.
Dita e nesërme ka për të qenë shumë e vështirë për qeverinë kosovare duke marrë parasysh që edhe administrata publike ka vendosur që të bllokojë punën dhe qeverinë deri në miratimin e buxhetit.
