Ditët e fundit amabasadorja amerikane në Shqipëri Yuri Kim ka zhvilluar takime të njëpasnjëshme me liderët e politikës shqiptare.
Ditën e sotme ajo është takuar në Kryesinë e Kuvendit me Gramoz Ruçin dhe kreun e Komisioneve të Ligjeve Ulsi Manjën.
Pas takimit që zgjati për më shumë se një orë, Yuri Kim nuk ka ndaluar as për t’u përgjigjur pyetjeve të gazetarëve dhe as për të dhënë detaje në lidhje me takimin.
Mësohet se pasdite, ambasadorja Kim do të zhvillojë një takim sot edhe me secilin nga përfaqësuesit në tryezën e Reformës Zgjedhore.
Ndërkohë, në një njoftim, Kuvendi thekson se “Gjatë takimit u diskutua mbi ecurinë e reformës zgjedhore, të reformës në drejtësi dhe të procesit të ingrimit europian të Shqipërisë, pas momentit historik të vendimit për çeljen e negociatave nga Bashkimi Europian.
Suksesi i reformës zgjedhore dhe i reformës në drejtësi është jetik për ecjen përpara të Shqipërisë, zhvillimin e vendit, konsolidimin e demokracisë dhe suksesin e proceseve integruese.
