Personi që u plagos ditën e sotme në zyrën e Partisë Deomkratike në Kavajë është 27-vjeçari Bledar Okshtuni. Më herët kandidatja e PD, Grida Duma tha më herët se ai është sekretar i PD, ndërsa më poshtë është edhe një foto e tij.
Ndërkohë, një nga autorët e ngjarjes është me precedent të mëparshëm penal. Ai quhet Ndriçim Jonuzi ose Ndriçim Tahiri. Ai ka precedent në fushën e krimit kundër jetës në një vend në BE. Personi në fjalë ishte shpallur në kërkim nga Interpol Roma në 29.05.2007 pas një vendimi të Gjykatës së Torinos në Itali dhe është dënuar me 8-vite burg për vrasje pa dashje. Jonuzi është fshehur në Kavajë dhe është arrestuar në vitin 2014, ku ka vuajtur dënimin me 8 vjet dhe me sa duket i është ulur. Për më tepër ai ishte punësuar në institucione shtetërore në Kavajë. Konflikti mes palëve dyshohet se ka qenë për motive të dobëta.
“Plagosi me armë zjarri 27 vjeçarin, identifikohet dhe shpallet në kërkim autori i dyshuar.
Vijon krehja e zonës për kapjen e tij.
Sot rreth orës 19:00, në lagjen nr.4, në Kavajë, shtetasi N. J., dyshohet se si pasojë e një konflikti për motive të dobta, ka hyrë në ambientet e brendshme të një zyre elektorale të një subjekti politik dhe ka plagosur me armë zjarri pistoletë në këmbë shtetasin B. O., 27 vjeç, i cili ndodhet në spitalin e Durrësit, nën kujdesin e mjekëve.
Menjëherë forca të shumta Policie kanë shkuar në vendngjarje dhe vijon krehja e zonës si edhe janë ngritur pika kontrolli në hyrje -dalje të Qytetit për kapjen e autorit.
Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes”, njoftoi policia.
