Në qendër të Athinës janë mbledhur mijëra qytetarë për të shprehur kundërshtinë teksa Parlamenti grek ka paralajmëruar se do të mblidhet për të votuar “Marrëveshjen e Prespës” për ndryshimin e emrit të Maqedonisë.
Protestuesit kanë mbërritur kryesisht nga Greqia Veriore dhe Qëndrore dhe janë mbledhur përpara Parlamentit.
Forcat e policisë kanë marrë masat dhe kanë rrethuar perimetrin për të garantuar sigurinë publike. Nga ajri kryhen vëzhgime me helikopter dhe dronë. Masat e sigurisë janë shtuar edhe në godinën e Kryeministrisë.
E megjithatë, protestuesit me flamuj kombëtarë në duar kanë vërshuar para parlamentit, ndërsa raportohet se ka pasur edhe persona të lënduar, pasi kanë shkelur njeri-tjetrin. Policia ka përdorur gaz lotsjellës dhe tymuese për të shpërndarë protestuesit.
Media radio “SKAI” shkruan se të paktën 600 mijë persona pritet të dalin në shesh deri në orët e vona të së dielës.
Policia në Athinë u shpreh se në tubim do të janë përafërsisht 140,000 mijë qytetarë, por sipas mediave greke, organizatorët e saj kanë hedhur poshtë këto shifra duke theksuar se do të jenë dhjetë herë më shumë.
Kujtojmë se Shkupi zyrtar e ka miratuar në Parlament para më shumë se një jave Marrëveshjen e Prespës, dhe tani është radha e Greqisë.
