TIRANË
Shënohet një tjetër viktimë nga koronavirusi dhe ai është 40-vjeçari Alfred Koçi, specialist pranë Drejtorisë së Arsimit në Tiranë.
Mësohet se Koçi ishte edhe muzikant, ndërsa prej kohësh vuante edhe nga sëmundje të mushkërisë.
Lajmi u bë me dije në mënyrë publike nga ana e kolegut të tij, Selman Hodaj.
“Cfare trishtimi. Te kishim djalin e papertuar, gojeembel, te qeshur, plot edukate e miresi. Nuk e fitove dot betejen me Coronen, madje ajo nuk kurseu as nenen tende. U perpoqa te jap zemer, por nuk munda dot me shume pasi zemra jote pushoi se rrahuri dhe nuk te kurseu ne moshen 40- vjecare.
Lamtumire i dashur Alfred Koci! Arsimi dhe Zyra e Tiranes, sot perjetojne nje dhimbje pa kufi. Mbase enderrat e tua per muziken do i vazhdosh ne parajse. Do kaloj sigurisht te vizitoj vendin ku do te prehesh perjetesisht.”, shkruan Hodaj.
Sot më herët u njoftua se Covid-19 iu ka marrë jetën edhe vëllait të Ylli Ndroqit, Lulzim Pasmaçiu, por edhe ish-kryebashkiakut të Lushnjës, Albert Sanxhaku. Ky i fundit ndërroi jetë në një spital të Turqisë, ku kishte shkuar për mjekim më të specializuar.
