KORCË
Policia e Korcës ka dhënë masat e sigurisë për 3 nga të arrestuarit për sulmin me armë zjarri ndaj hotel “Volorekës” në Tushemisht të Pogradecit.
Gjykata ka dhënë “arrest me burg” për 40 ditë për shtetasit Ilir Mecolli, Ardian Xhuti dhe Elvir Haxhia, të dsyhuar se janë përfshirë në sulmin e hotelit.
Të tre personat akuzohen se kanë organizuar dy sulme në hotel “Voloreka”, më datë 1 dhe 8 gusht.
Ndërkohë, më herët gjykata ka lënë në burg Anterio Kaloshin, që është personi i dyshuar se ka qëlluar me kallashnikov në drejtim të hotelit.
Për sulmin me armë në hotelin “Voloreka” në Tushemisht kanë përfunduar në pranga shtetasit: Anterio Kaloshi, Meard Berberi, Ervin Kalaja, Ilir Berberi, Ilir Meçolli, Ardian Xhuti, Elvir Haxhia dhe Mariglen Topuzi.
Autorët dyshohet se nuk kanë dashur që pronari i hotelit Jetmir Mucollari të dëshmonte kundër tyre, në një seancë gjyqësore në ngarkim që e kishin. Po ashtu, dyshohet se autorët mund të donin të vrisnin djalin e pronarit.
Të arrestuarit kanë qëlluar në drejtim të godinës së hotelit, ku pati fatmirësisht vetëm dëme materiale dhe jo në njerëz.
